(CNN)-- شاركت الفنانة المصرية أيتن عامر، عبر حسابها الرسمي في إنستغرام، الأحد، مقطع فيديو من احتفالها بعيد ميلادها، وسط عائلتها وأصدقائها الذين قالت إنها "محظوظة" بهم. وكتب أيتن تعليقًا على الفيديو: "شكرًا ليكم على كل حاجة عملتوها عشاني يوم عيد ميلادي، وعلى كل مرة فرّحتوني فيها طول السنين اللي فاتت. على الحب اللي من القلب، وعلى الضحك اللي ما بيخلصش، وعلى وقفتكم جنبي في الوقت الصعب، وعلى إحساسكم بيّا من غير ما أتكلم ولا أقول أي حاجة". وأضافت: "شكرًا على اللمّة الدافية والقعدات اللي كلها لعب كأننا لسه عيال صغيرين، واللي مهما كبرنا عمرنا ما هنبطّلها. وشكرًا على وجودكم جنبي في الأيام العادية اللي بقت أحلى عشان إنتوا فيها". واختتمت تعليقها بالقول: "كل سنة وإنتوا حواليا، وكل سنة وإحنا بنفرح لبعض ومع بعض… وأنا طبعًا مش هقول أنا كملت كام سنة… بس هقول إني كل سنة بحبكم أكتر". فنيًّا، أنهت أيتن في سبتمبر/أيلول الماضي، تصوير دورها في المسلسل القصير "Baby Boom"، في السعودية، والذي تتشارك بطولته مع الفنان السعودي إبراهيم الحجاج، وتحت إدارة المخرج اللبناني إيلي السمعان. وصرّحت الفنانة المصرية في الشهر ذاته، بأنها تبحث عن دور يطرح قضية من قضايا المرأة "بطريقة جديدة لم يتم طرحها من قبل" لتقديمه في موسم دراما رمضان 2027.
"مش هقول كملت كام سنة"… أيتن عامر تحتفل بعيد ميلادها
0
محتويات الخبر
ما رأيك في هذا الخبر؟
التعليقات 0
كن أول من يعلق على هذا الخبر